دبلخ پوهنتون رئیس لیدنه دجمهوري اسلامی ایران اسلامی فرهنگ پخواني رئیس سره

نن شنبه د1445 /12/5ه ق د بلخ پوهنتون رئيس ښاغلي مولوي صاحب ضياﺀالحق ضياﺀکريمي په خپل کاري دفتر کې دج. ا. ايران اسلامي فرهنگ پخواني رئیس دکتر مصطفوی د يحيوي سر قونسل په ملتيا له ايراني پلاوي سره دوستانه ليدنه وکړه.
ياده ليدنه کې ښاغلي ضياﺀکريمي بلخ پوهنتون ته د راغلي پلاوي هرکلى او ښه راغلاست ووایه او د دواړو هېوادونو ترمنځ په هر اړخیزه توګه دَ همغږۍ غوښتنه وکړه ترڅو په راتلونکې کې دَ يو والي او ورورګلوۍ په فضا کې چارې په بريا سره سرته ورسيږي او دوستي مو لا پياوړې شي.
همداراز ښاغلي ضياﺀکريمي بلخ پوهنتون د شمال زون په کچه لوى پوهنتون ياد کړ، او د جوړښت په اړه يې اړين توضیحات وړاندې کړل هغه همداراز زیاته کړه چې دچارو لاچټکتيا او ظرفيت لوړولو لپاره هڅې روانې دي تر څو وکولاى شو چې ياد پوهنتون دنړۍ والو پوهنتونونو سره سيال کړو. 
ورپسې د راغلي پلاوي رئیس هم دبلخ پوهنتون رئيس ته په علمي ډګر کې دهر راز مرستې ډاډ ورکړ. 
بلخ پوهنتون داړيکو او عامه پوهاوي آمريت.