د څارنې او ارزونې پلاوي وروستۍ ناسته
د پنجشنبه ورځ د تلې مياشتې په دوولسمه، په بلخ پوهنتون کې د لوړو زده کړو وزارت اړوند د څارنې او اروزنې رياست له لوري، د همدې مياشتې په لومړۍ نېټه پيل شوې ارزونه پای ته ورسیده.
دغې اروزونې پوره يوولس ورځې وخت ونيو او د نتجې د اعلان لپاره يې نن د بلخ پوهنتون د علمي او رئيسانو شورا په تالار کې غونډه ترتيب شوې وه، چې پيل يې د قران عظيم الشان په څو مبارکو ايتونو سره وشو.
لومړی د بلخ پوهنتون علمي چارو مرستيال پوهنمل حیات الله حقجو دغونډې په اړه پیلیزې خبرې وکړې.
وروسته بیا د لوړو زده کړو وزارت له لوري د بلخ پوهنتون څارنې او اروزنې لپاره ټاکل شويو پلاوو په مشرۍ قاضي عبدالباري غفاري په ټوله کې د بلخ پوهنتون ارزونه ښه وګڼله او د ښې ارزونې ترڅنګ يې، په يو لړ مواردو کې د غونډې ګډونوالو ته ځينې نيمګړتياوې هم په ګوته کړې.
د بلخ پوهنتون د مالي او اداري چارو مرستيال قاضي عبدالهادي فضلي لومړی د لوړو زده کړو وزارت له لوري راغلو ميلمنو څخه د راتګ مننه وکړه او ورپسې يې په ورين تندي د نيمګړتياوو د حل ډاډ ورکړ او غونډه د خير په دعا سره پای ته ورسیده.
بلخ پوهنتون د اړيکو او عامه پوهاوي آمريت
