په بلخ پوهنتون کې د علمي کادرونو د تقرر په مناسبت د نوې طرحې عملي کولو په موخه مسوولينو ته يو ورځنی ورکشاپ وړاندې شو.
د کب په دويمه چې د شعبان د میاشتې ٢١ مې سره سمون خوري په بلخ پوهنتون د لوړو زده کړو وزارت د هدايت په اساس، د نويو استادانو ګمارنو په مناسبت د دغه پوهنتون د پوهنځیو رئیسانو او ډيپارټمنټونو آمرینو ته د نوې طرحې په موخه يو ورځنی سمينار وړاندې شو.
په دغه مناسبت د نوموړي پوهنتون د علمي چارو معاونيت اړوند د غونډو په عمومي تالار کې غونډه ترتيب شوې وه، چې پيل قران کريم په مبارک کلام سره وشو.
د بلخ پوهنتون علمي چارو مرستيال مولوي پوهنمل حيات الله «حقجو» په خپلو خبرو کې د وزارت له لوري د نوې طرحې هر کلی وکړ او دغه طرحه يې په پوهنتون کې د نوې ګمارل کېدونکو استادانو د ازموينې مرحلې په پر مهال د شفافیت په ګټه وبلله.
د بلخ پوهنتون د تضمين او کيفيت لوړونې آمر پوهاند امان الله «مونس» د غونډې ګډونوالو ته په ورکشاپ پيل وکړ: چې له دې وروسته به د نوماند شارټ ليست، ژبنۍ او اختصاصي ازموينه او علمي کنفرانس د بست اړوند په خپل ديپارټمنټ کې اخيستل کېږي.
بلخ پوهنتون د اړيکو او عامه پوهاوي آمريت.
