بلخ ولايت د روضې په جامع جومات کې د جهادي او خصوصي ديني مدرسو د عالیې او عالمیې دورو ازموينې درېيمه ورځ هم پای ته ورسېده.
د دوشنبه په ورځ د رجب المرجب ١٢ د آزموینې درېيمه ورځ د جامعاتو او تخصصاتو اړوند د امام ابو یوسف(رحمه الله) دیني جامعې او د بلخ پوهنتون په ګډې همکارۍ د ازموینې صحنې د بلخ ولايت مبارکې روضې په جامع جومات کې په منظم ډول ترتیب او تنظیم شوې وې.
ازموینه د مرکز څخه د راغلي پلاوي، غړو، د ولایت مقام استازو، د بلخ پوهنتون رهبرۍ، امام ابو یوسف رحمه الله دیني جامعې مسوولینو او د ښو څارونکو د کنترول او څارنې لاندې په ټاکلي وخت د سهار په ۹ بجو پیل او د ماسپښین تر ۱ بجې یې دوام وکړ.
د یادونې وړ ده، چې په دغه ازموينه کې د بلخ ولایت غټو او وړو ټولو مدرسو څخه ۱۲۳۳ تنو نومليکنه کړې وه، چې له شمېرې څخه يې پکې ۸۲۸ تنو ګډون وکړ، چې ۳۳۲ يې د عاليې او ۴۹۶ تنه پکې د عالميې دورې شتون درلود، د جهادي او خصوصي دیني مدارسو د عالیې او عالمیې مرحلو روانې ازموینې تر راتلونکې پنجشنبې ورځې پورې دوام کوي.
د بلخ پوهنتون اړيکو او عامه پوهاوي آمريت