په بلخ پوهنتون کې د تقرر او انفکاک غونډه وشوه!
دچهارشنبه په ورځ د روان ۱۴۰۳لمريز کال د سلواغې مياشتې په ۲۴مه د بلخ پوهنتون علمي چارو معاونيت د غونډو په عمومي تالار کې د تقرر او انفکاک مياشتنۍ نوبتي ناسته وشوه، د نوموړې ناستې پيل د قران عظيم الشان په څو مبارکو ايتونو سره وشو.
دغه ناسته چې د ياد پوهنتون د استادانو چارو آمر پوهنمل اسدالله «ناصري» یې رهبري کوله، د دغې ناستې د غړو سربېره د ياد پوهنتون د علمي چارو مرستيال پوهنمل حيات الله «حقجو» هم شتون درلود.
د تقرر او انفکاک په دغه غونډه کې د شمال زون د څو بېلابېلو پوهنتونو اړوند درې د تقرر ، يوه د انفکاک او دوه د کنفرانسونو د اخيستو په موخه د هئيات ټاکلو دوسيې وڅېړل شوې.
بلخ پوهنتون د اړيکو او عامه پوهاوي آمريت.
