په بلخ پوهنتون کې نويو ګمارل شويو استادانو ته، د کيفيت لوړونې آمريت له لوري ترتيب شوی درې ورځنی علمي سمينار د تصديق پاڼو په ويش سره پای ته ورسېد.
نن سې شنبه د روان ۱۴۴۷ھ ق کال د رجب المرجب مياشتې په ۲۳مه، په بلخ پوهنتون کې نويو ګمارل شويو استادانو ته، د کيفيت لوړونې آمريت له لوري ترتيب شوی درې ورځنی علمي سمينار د تصديق پاڼو په ويش سره پای ته ورسېد!
نن د سمينار په وروستۍ ورځ د بلخ پوهنتون رئيس شيخ القران و الحديث محمد سيد «هاشمي» د سمينار ګډونوالو ته وويل: چې خپلو مسووليتونو ته ځېر شئ، د الله تعالی د رضامندۍ لپاره د هېواد پچيانو ته سالمه روزنه ورکړئ.
دغه راز ښاغلي رئیس زياته کړه، چې اميد لرم په دې سمينار کې به مو ډېر نوي څه زده کړي وي، هيله ده چې تر زده کړيالانو يې په سمه معنی ور ورسوئ.
د بلخ پوهنتون علمي چارو مرستيال الحاج مولوي پوهنمل محب الله «هدايت» د کيفيت لوړونې آمريت کړنې وستايلې او د کيفيت لوړونې اړوند يې ارزښتناکه معلومات د سمينار ګډونوالو سره شريک کړل.
بايد وويل شي چې ياد سمينار تېره يکشنبه د بلخ پوهنتون علمي چارو معاونيت اړوند د غونډو په عمومي تالار کې پيل شوی و، چې د تصديق پاڼو په وېش سره رسماً پای ته ورسېد.
بلخ پوهنتون د اړيکو او عامه پوهاوي آمريت
