د بلخ پوهنتون د نړیوال ژورنال د جواز ترلاسه کولو د کاري کمیټي غونډه
چهارشنبې په ورځ د ۶/ ۱۱/ ۱۴۴۵ ه. ق چې د ۲۶/ ۲/ ۱۴۰۳ ه. ش کال سره سمون لري، د بلخ پوهنتون د نړیوال ژورنال د جواز ترلاسه کولو د کاري کمیټي غونډه د بلخ پوهنتون د څېړنو او علمي مجلې مرستیال په مشرۍ د دغه پوهنتون په مرکزي تعمیر د ژبو او ادبیاتو پوهنځي په تالار کې جوړه شوه.
لمړی غونده به رسمي توګه د قرانکریم د څومبارکو آیتونو په تلاوت سره پیل شوه. ورپسی د بلخ پوهنتون د څېړنو او علمي مجلې مرستیال ښاغلي پوهاند ډاکتر محمدطاهر طاهر د نړیوال ژورنال د جوړولو پر اهمیت، د بلخ پوهنتون په معرفي کولو او د نړۍ په کچه دعلمي کادر غړو د علمي څېړنیزو مقالو په خپرولو کې د هغې رول په اړه خبرې وکړې.
وروسته د جلسې له اجنډا سره سم د نړیوالې مجلې د کاري ساحې، نوم، مسوول مدیر، مشر مدیر، د مدیره هیات غړو او کتنکو د بورډ غړو او نورو اړوندو موضوعاتو په اړه بحث او د نظر تبادل وشو. همدارنګه په غونډه کې د حاضرو غړو د رایو په یووالی د مجلې نوم د"بلخ پوهنتون نړیوال ژورنال(بشري او ټولنیزو علومو )" تر عنوان لاندې د مجلې د تخصصي ساحې په توګه وټاکل شوو او پریکړه وشوه چی کاري کمیټه دې د نړیوال ژورنال د جوړولو په برخه کی د نورو تخنیکي او اداري مسایلو چارې، بشپړ کړي.
په پای کې غونډه دخیر په دعا پای ته ورسید.
بلخ پوهنتون داړيکو او عامه پوهاوي آمريت.
