د بلخ پوهنتون رئيس مفتي محمد شريف عثماني کارمندانو او خدمتي کارکونکو سره اصلاحي ناسته وکړه
چهار شنبه سهار مهال د بلخ پوهنتون رئيس مفتي محمد شريف عثماني او د دې پوهنتون د مالي او اداري چارو مرستيال عبدالهادي فضلي په ګډه د ياد پوهنتون په عمومي مسجد کې خپلو ټولو کارمندانو او خدمتي کارکونکو سره د دعوت او ارشاد آمريت په همغږۍ د ورورګلوۍ په فضا کې اصلاحي ناسته وکړه.
په دغه ناسته کې د نوموړي پوهنتون د مالي او اداري چارو مرستيال عبدالهادي فضلي غونډې ته په ګڼ شمېر د مامورينو او منسوبينو په راتګ خوښي وښوده او ښه هر کلی يې وکړ، هغه په خپلو خبرو کې د غونډې ګډونوالو ته وويل چې مونږ او تاسې په يو اکاډميک ماحول کې يوو؛ نو ضرور ده، چې ځان کې د اطاعت ماده پيدا کړو او په نبوي منهج خپلولو سره دنیوي او اخروي بريا تر لاسه کړو.
ور پسې دبلخ پوهنتون رئيس مفتي محمد شريف عثماني دريځ ته تشريف راوړ او په ډېر هيله بښونکي انداز يې د کارمندانو ښه راغلاست وکړ، ښاغلی عثماني هم د مامورينو او منسوبينو په سيرت او صورت وغږېد او ويې ويل: دا شرعي نظام دی، مونږ او تاسې بايد ټول ځانونه په نبوي سيرت برابر کړو او د هغه لکونو ش هي دانو، يتيمانو، تور سرو کونډو، او د قربانيو ور کوونکو اشخاصو د وينو سره لوبې ونه کړو، هغوی د همدې نظام د راتګ لپاره ځانونه قرباني کړل هغه قربانيو ته بايد په درانده نظر وکتل شي.
بلخ پوهنتون داړيکو او عامه پوهاوي آمريت.
نېټه:۱۴۴۵/۱۲/۲۶ ه ق
