د کندهار پوهنتون اداري چارو کارکونکو د يو علمي سفر په ترڅ کې د بلخ پوهنتون اداري کارکوونکو سره د تجربو شريکولو په موخه لېدنه وکړه.
دغه علمي سير چې د کندهار پوهنتون د اداري چارو اړوند، آمرينو او مديرانو په کې ګډون درلود، د پنج شنبې په ورځ بلخ پوهنتون ته راورسېد او د بلخ پوهنتون د چاپېريال سره يې ځان بلد کړ.
د جمعې په ورځ يې د بلخ ولایت يو شمېر تاریخي ځایونو ليدنې وروسته د شنبې په ورځ د بلخ پوهنتون آمرينو او مديرانو سره وليدل.
په دغه ليدنه کې د بلخ پوهنتون رهبرۍ او په ځانګړي توګه د مالي او اداري چارو مرستيال الحاج مولوي بخت محمد «مومن یار» له لوري دغه پوهنتون ته د کندهار پوهنتون اداري کارکوونکو په ورتګ ښه هرکلی او ميلمه پالنه وشوه.
نوموړو کارکونکو په بلخ پوهنتون کې هر يو د خپل سیال سره د چارو ښه تر سراوي په موخه مشورتی ناسته ترسره کړه. په ياده ناسته کې دواړو خواوو خپلې کړنې او تجربې د يو بل سره شریکې کړې؛ تر څو په اړوندو اداري چارو کې ترې ګټه واخلي.
د کندهار پوهنتون اداري کارکوونکو او د بلخ پوهنتون اداري کارکوونکو دغه ډول علمي سفرونه د ادارې د غښتلتيا او وطنوالو ته د چټکو خدمتونو وړاندې کولو لپاره ګټور وګڼل.
بلخ پوهنتون د اړيکو او عامه پوهاوي آمريت.
