په بلخ پوهنتون کې يو شمېر اداري او خدمتي کارکوونکي د دعوت ارشاد آمريت له لوري په ستاينليکونو ونازول شول.
دچهارشنبه د ليندۍ مياشتې په يوشتمه په بلخ پوهنتون کې د دعوت ارشاد آمريت له لوري د فقهي او عقيدتي درسونو د لړۍ په دوام کې، د بلخ پوهنتون يو شمېر اداري او خدمتي کارکوونکي په ستاينليکونو او ډاليو ونازول شول.
د ستاينليکونو د ورکړې په مناسبت د بلخ پوهنتون د مالي او اداري چارو مرستيال اړوند آمريت، د معلوماتي ټکنالوژۍ تالار کې غونډه ترتيب شوې وه، چې د ياد پوهنتون د بېلابېلو شعباتو څخه پکې آمرينو، کارمندانو او خدمتي کارکوونکو کډون کړی وو. ياده غونډه د معمول په شان د قران کريم په څو مبارکو ايتونو سره پيل شوه.
د بلخ پوهنتون د کرنې پوهنځي رئيس مولوي عبدالحکيم «صالحي» په خپله وينا کې د غونډې د ګډنوالو ښه هر کلی وکړ او د قران عظيم الشان په يوې مبارکې ټوټې ژباړې سره يې وويل:«چې پوهه خلک د ناپوهه خلکو سره هيڅ نه دي برابر»
د بلخ پوهنتون رئيس دفتر آمر امان الله «جابر»د دعوت ارشاد آمريت کړنې وستايلې او د غونډې ګډونوالو ته يې وويل چې آمر بالمعروف او نهي عن النمنکر د هر مسلمان دنده ده.
د غونډې په پای کې د لسګونو اداري کارونکو له ډلې عبدالمتين لومړی، رفيع الله خان دويم او حاجي همايون خان درېيم مقام وګاټه بلخوا په خدمتي کارکوونکو کې ضياء الله لومړی، حاجي عمر دويم او عزيز الله خان بيا درېيم مقام وګاټه.
بلخ پوهنتون د اړيکو او عامه پوهاوي آمريت
