علمي څیړنو کمېټې مهالنئ غونډه
د سه شنبی په ورځ ۱۴۴۶/۳/۷ هجری سپوږمیز کال چې له ١٤٠٣/۶/۲۰ لمریز کال سره سمون لري د علمي څېړنو د کمېټې مهالنئ غونډه د بلخ پوهنتون د څېړنو او علمي مجلې د معاون تر نظر لاندې د نوی پوهنتون د اداره او عامه پالیسۍ پوهنځي په تالار کې ترسره شوه٠
ياده غونډه د شرعياتو پوهنځي استاد پوهنمل حکمت الله حکمت لخوا د قرانکريم په څو مبارکو آياتونو پيل شوه ورپسې د بلخ پوهنتون د څېړنو او علمي مجلې مرستیال ډاکتر پوهنمل حمیدالله عمر خیل د څېړنو کمېټې د غړو د مکلفيتونو په تړاو اړينې لارښوونې وکړې٠
ښاغلي ډاکتر عمر خیل د کمېټې له غړو غوښتنه وکړه، ترڅو د اړوند پوهنځيو په سطحه د علمي پروپوزلونو د پرمخ وړلو او همدارنګه د علمي آثارو د طى مراحل کولو په برخه کې د لارښود مطابق لازمه پاملرنه وکړي، ترڅو د علمي آثارو د پرمخ وړلو پروسه او د استادانو د ترفيعي او ناترفيعي څېړنيزو عنوانونو د ثبت وړانديزونه له ستونزو سره مخ نشي٠
ورپسې د اجندا اړوند څېړنيزې طرحې، څېړنيز آثار او د استادانو علمي کنفرانسونه د جلسې د غړو لخوا و ارزول شول او همدارنګه د غونډې ګډونوالو د کاري چارو د ښه والي په موخه خپل نظرونه او وړانديزونه سره شريک کړل.
په پاى کې غونډه د خير په دعاء سره پاى ته ورسېده٠
د بلخ پوهنتون د عامه پوهاوي او اړيکو آمريت
