دلیلیې اړوند کمېټې مشورتي ناسته.

شنبه د روان ۱۴۰۳ لمريز کال د زمري (اسد) مياشتې په(۲۷)مه، په بلخ پوهنتون کې د ليلې  فعالېدو په موخه، د دغه پوهنتون  مالي او اداري چارو مرستيال، د ليليې لپاره  ځانګړې شوې کمېټې سره، د  محصلانو چارو مرستيال په همکارۍ مشورتي ناسته وکړه او په ليليه کې يې د محصلانو د دېره کولو لپاره د وړ محصلانو نومليکنې یولړ شرایط وضع کړل ترڅو له یوې خوا د ګڼې ګوڼې مخه ونیول شي او له بلې خوا حق حقدار ته ورسيږي.

همدا راز په دغه ناسته کې د لیلیې عمومي مدير ته دنده وسپارل شوه، چې د ليليې لپاره ترتيب شوي طرحه په لیکلې بڼه له ټولو پوهنځيو سره شريک کړي؛ ترڅو شرایطو ته په کتو سره، هر  پوهنځی د خپلو وړو کسانو نوملړ ترتيب  او د ليليې عمومي مديريت ته واستوي.

بلخ پوهنتون د اړيکو او عامه پوهاوي آمریت.