د بلخ پوهنتون د رئیس پیغام

11 میاشتې 3 اونی ago

بسم الله الرحمن الرحیم

خويندو او وروڼو!

بلخ پوهنتون، چې ۱۶ پوهنځي، څه باندې ۴۳۰ استادان او شاوخوا ۱۸۰۰۰ محصلين لري، د افغانستان يو له سترو پوهنتونونو څخه دی. دا پوهنتون په ۱۳۶۶ لېږديز لمريز تاسيس شوی او له هغه وخت راهيسې يې د ځوان نسل په روزنه کې خورا ډېر ارزښتناک رول لوبولی دی. په ورستيو کلونو کې، د اقتصاد او دري ادبياتو په برخه کې د ماسترۍ پروګرامونه هم په بلخ پوهنتون کې ایجاد شوي چې تر دې دمه يې څو دورې فارغ‌التحصيلان ټولنې ته وړاندې کړي دي. د بلخ پوهنتون مشرتابه په پام کې لري چې په نږدې راتلونکي کې د حقوقو او پښتو ادبياتو په برخه کې هم د ماسترۍ پروګرامونه ایجاد کړي. د بلخ پوهنتون مشرتابه ژمن دی، چې د اسلام د سپېڅلي دين اساساتو او د هېواد اساسي قانون ته په درناوی، او د لوړو زده‌کړو د قانون په رنا کې، تحصيلي کچې او کيفيت ته ارتقا ورکړي؛ خويندو او وروڼو ته سالم او امن تحصيلي چاپېريال برابر کړي؛ د کار د بازار او د سيمې اقتصادي وضعيت په پام کې نيولو تحصيلي نصاب چمتو کړي؛ او د علمي پروګرامونو د پراختیا په چاره کې سالم رقابت رامنځته کړي. همدارنګه، د جندر اړوند مسايلو ته پاملرنه، سپورټ او نوې تکنالوژۍ ته لاسرسی د بلخ پوهنتون د مشرتابه په لومړيتوبونو کې راځي. سربېره پر دې، د زېربنا پرمختګ او پراختيا هم زمونږ له اساسي کارونو څخه دي. زمونږ ژمنتيا دا ده چې ځوانان نه‌يوازې په مدرنو علمي معيارونو سمبال ټولنې ته وړاندې کړو، بلکې غواړو چې دوی د هېواد په وړاندې يو لوړ احساس ولري او په علمي موضوعاتو کې د اخلاقي، کلتوري او تاريخي ارزښتونو ته پاملرنه وکړي.

پوهنمل خلیل الله کلیوال
Head Photo

تازه خبرونهنور دلته

جمعه ۱۳۹۹/۱۱/۱۰ - ۲۱:۱۹
Background image

پنځه ورځنی ورکشاپ د سولې په زده کړه کې د څېړنې او لیکوالۍ علمي روشونه

د بلخ پوهنتون سولې مرکز لخوا د بېلابېلو پوهنځيو شپاړلس تنو استادانو لپاره د (د سولې په زده کړه کې د څېړنې او لیکوالۍ علمي روشونه) په نوم پنځه ورځنی ورکشاپ د مرغومې له ۵ څخه تر ۹ پورې د. . .

جمعه ۱۳۹۹/۱۱/۳ - ۱۹:۱۶
Background image

برنامه آموزشی و آگاهی دهی "معرفی لایحه جذب اعضای کادر علمی، معرفی پالیسی مرور برنامه های علمی و معرفی فورم ها و چک لیست های تقرر و پروسه‌ی شارت لیست شدن اعضای کادر علمی"

نن سه شنبه د ۱۳۹۹ لمریز کال د مرغومي په ۳۰ مه، د بلخ پوهنتون د علمي چارو معاونیت له خوا د بلخ پوهنتون او د بلخ ولایت خصوصي تحصیلي بنسټونو د بېلابېلو پوهنځیو د ‌‌‌‌‌‌ډيپارټمنټونو امرینو. . .

دوشنبه ۱۳۹۹/۱۰/۲۹ - ۱۸:۳۱
Background image

د بلخ پوهنتون د ستراتیژیک پلان د جوړونې کمېټې ناسته؛

د ستراتیژیک پلان کمېټې د (۱۴۰۰- ۱۴۰۴) کلونو لپاره بلخ پوهنتون د ستراتيژیک پلان د جوړونې په موخه د علمي چارو مرستیال پوهندوی احمد رشاد جمالیار تر ریاست لاندې او د شپاړلس ګونو پوهنځیو د. . .