په بلخ پوهنتون کې د مالي او اداري چارو معاونيت لخوا اداري کار کوونکو ته، ( د مديريت اساسات او فورمو لارښود) ترسرليک لاندې دوه ورځنی سمينار پيل شو!

ba_admin
چهارشنبه ۱۴۰۴/۵/۸ - ۱۴:۲
خبر

نن چهارشنبه د ۱۴۴۷ ھ ق کال د صفرې مياشتې په پينځمه په بلخ پوهنتون کې د مالي او اداري چارو معاونيت لخوا د بلخ پوهنتون اداري کار کوونکو ته( د مديريت اساسات او فورمو لارښود) تر سرليک لاندې دوه ورځنی سمينار پيل د قران عظيم الشان په څو مبارکو ايتونو سره وشو.

د سمينار په پيل کې د بلخ پوهنتون مشرتابه شيخ القران والحديث محمد سيد «هاشمي» د علم په ارزښت، اخلاقو، مطالعه، او عقيدې موضوعاتو باندې خبرې وکړې.

د بلخ پوهنتون مالي او اداري چارو مرستيال الحاج مولوي بخت محمد «مومن يار» د خپلې وينا په پيل کې د ياد سمينار ګډونوالو ته ښه راغلاست ووايه او د ښه راغلاست ترڅنګ يې زياته کړه چې دا ډول سمينارونه د ادري کار کوونکو لپاره د کار په زده کړه او مشتريانو  ته د چټک خدمت وړاندې کولو لپاره مفيد تمامېدلی شي.

ښاغلي مرستيال د دغه سمينار ګډونوالو ته په خطاب کې وويل چې دندو ته پر وخت راځئ، غفلت مه کوئ، دلته تاسې دې ملت او اسلامي نظام سره تړون کړی دی او د دغه تړون ماتول د ولس او نظام سر لويه جفا ده.

د مشرتابه او مرستيال له څرګندونو سره سم، د دغه سمينار عملي پيل د بلخ پوهنتون ادارې او عامه پاليسۍ  پوهنځي استاد ضيا الله عارفي له لوري وشو، چې د ادارې اړوند تازه معلوماتو ته يې د سمينار ګډنوال ځير کړل.

په دغه سمينار کې د بلخ پوهنتون څلورو واړو معاوينيتونو څخه مديرانو او آمرينو ګډون درلود، ياد سمينار به سبا پنجشنبه د تصديق پاڼو په ويش سره پای ته ورسېږي.

 

بلخ پوهنتون د اړيکو او عامه پوهاوي آمريت.

تازه خبرونه

دوشنبه ۱۴۰۴/۵/۲۷ - ۱۱:۶
Background image

بلخ پوهنتون علمي مرستيال د يوشمير پوهنځيو څخه ليدنه وکړه.

يکشنبه د ١٤٤٧ ه ق کال  صفرالمظفر د میاشتې٢٢مه د بلخ پوهنتون علمي مرستيال الحاج حافظ پوهنمل محب الله هدایت د کانونو او چاپېريال انجنيرۍ، ژورنالیزم، اداره او عامه پاليسۍ،وترنری علومو، او. . .

یکشنبه ۱۴۰۴/۵/۲۶ - ۸:۵۶
Background image

د بلخ پوهنتون نوي علمي چارو مرستيال د همدغه پوهنتون يو شمېر، پوهنځيو او ادارو څخه ليدنه وکړه!

شنبه د ۱۴۴۷ ھ ق کال د صفر المظفر مياشتې په ۲۲مه د بلخ علمي چارو مرستيال الحاج مولوي پوهنمل محب الله «هدايت» د بلخ پوهنتون اقتصاد، زراعت او ساينس پوهنځيو څخه ليدنه وکړه، په دغه ليدنه کې. . .

دوشنبه ۱۴۰۴/۵/۲۰ - ۱۱:۴۶
Background image

د کندهار پوهنتون اداري چارو کارکونکو د يو علمي سفر په ترڅ کې د بلخ پوهنتون اداري کارکوونکو سره د تجربو شريکولو په موخه لېدنه وکړه.

دغه علمي سير چې د کندهار پوهنتون د اداري چارو اړوند، آمرينو او مديرانو په کې ګډون درلود، د پنج شنبې په ورځ بلخ پوهنتون ته راورسېد او د بلخ پوهنتون د چاپېريال سره يې ځان بلد کړ.

د جمعې. . .

BACK TO NEWS