د "مونوګراف لیکنې میتود" روزنیز ورکشاپ دایرول
دوشنبه د ۱۱/۱۱ / ۱۴۴۵ هـ ق کال چې د ۳۱/ ۲ / ۱۴۰۳ ل نېټې سره سمون خوري د «مونوګراف لیکنې میتود» تر سرلیک لاندې یو ورځنی ورکشاپ چې د بلخ پوهنتون څېړنو او علمي مجلې مرستیال، د اړیکو او عامه پوهاوي آمر، د محصلانو چارو آمر، د محصلانو چارو د خدماتو انسجام آمر، د څېړنې او علمي مجلې د معاونیت کارکوونکي او د شرعیاتو، حقوقو او سیاسي علومو، ښوونې او روزنې او د ژبو او ادبیاتو پوهنځيو د څلورمو ټولګیو محصلانو ګډون درلود، د یاد پوهنتون د مرکزي ودانۍ په تالار کې وړاندې شو.
لومړی غونډه د اړیکو او عامه پوهاوي آمر ښاغلي مولوي سمیع الله بلخي له خوا د قرآن کریم څو مبارکو آیتونو په تلاوت سره په رسمي ډول پیل شوه.
بیا، د بلخ پوهنتون د څېړنو او علمي مجلې مرستیال د علومو ډاکټر ښاغلي پوهاند محمد طاهر طاهر د مونوګراف معیاري لیکلو د اړتیا او اهمیت په اړوند خبرې وکړې او د هغه په څېړنیزوالي او کاریال باندې یې ټینګار وکړ. همداراز، ښاغلی ډاکتر طاهر په خپلو خبرو کی وویل: د مونوګرافونو په لیکلو کی چی څیړنیز میتودونه او معیارونه نه وی رعایت شوی، د هغو علمی ارزښت به تر پوښتنی لاندی راځی.
وروسته د غونډې د اجنډا مطابق د بلخ پوهنتون ښوونې او روزني پوهنځي محترم استاد پوهنمل ډاکټر شفیع الله سالک د ورکشاپ موضوع (د مونوګراف لیکنې میتود) وړاندې کړ. د ورکشاپ د کار په پای کی، یو شمیر ګډونوالو محصلینو د موضوع په اړوند پوښتنی وکړی چی د
پریزینتشن د وړاندی کونکی له خوا ځواب شوی.
په پای کې ورکشاپ د تصدیق پانو په وېشلو او په خیریه دعا پای ته ورسید.
