په بلخ پوهنتون کې د علمي شورا مياشتنۍ نوبتي ناسته!
د دوشنبه په ورځ د دلوې مياشتې په لومړۍ په بلخ پوهنتون کې، د علمي شورا مياشتنۍ نوبتي ناسته ترسره شوه، د دغې ناستې پيل د قران عظيم الشان په مبارک کلام سره وشو.
د بلخ پوهنتون رئيس شيخ الحديث محمد سيد «هاشمي» د غونډې ګډونوالو ته هر کلی ووايه او وروسته له هر کلي يې دغې ناستې ته په خپلو خبرو کې وويل:«چې په دندو کې مو خپلو مسووليتونو ته پاملرنه وکړئ، نوموړي په دې ټينګار وکړ، چې د اميرالمومنين فرامين په پوره توګه پلي کړئ او خپله ديني وجيبه ادا کړئ؛ تر څو د اخرت له سختيو نجات ومومئ»
د بلخ پوهنتون مالي او اداري چارو مرستيال نجيب الله «کروخي» په خپله وينا کې زياته کړه، چې ځانونه اصلاح کړئ او له بې ځایه تورنو ځان وساتئ، نوموړي د غونډې ګډونوالو ته دا هم وويل چې د اصولو خلاف غوښتنې مه کوئ.
د ناستې په دوام کې د بلخ پوهنتون علمي چارو مرستیال پوهنمل حيات الله «حقجو» خپل لنډ کاري راپور وړاندې کړ او د داخلي اروزنې په موخه يې خبرې وکړې.
په اخر کې ښاغلي حقجو د غونډې ګډونوالو څخه وغوښتل چې خپل کلنی راپور ورسره ژر شريک کړي.
د غونډې په پای د بلخ پوهنتون د استادانو چارو آمر پوهنمل اسدالله «ناصري» د څو پوهنتونونو اړوند د استادانو په ترفيعاتو، ارتقاوو او د علمي رتبو په اړه رڼا واچوله.
په دغه ناسته کې څلور د ترفيعاتو، درې د ارتقا، درې د تقرر، څلور د انفکاک او دوه د متفرقوو دوسيې وڅېړل شوې.
بلخ پوهنتون د اړيکو او عامه پوهاوي آمريت.
