درهبري شورا مياشتنۍ ناسته.
يکشنبه ورځ د بلخ پوهنتون رهبرۍ خپله مياشتنۍ نوبتي ناسته وکړه، په دغه ناسته کې د بلخ پوهنتون رئيس شيخ الحديث محمد سعيد هاشمي، د ياد پوهنتون مالي او اداري، علمي، محصلانو او د څېړنې او علمي مجلې مرستيالانو ګډون درلود.
د رهبرۍ دغه غونډه د بلخ پوهنتون د علمي چارو مرستيال پوهنمل حيات الله حقجو له لوري د قرانکريم په خوږ کلام سره پيل شوه.
دغې غونډې ته د بلخ پوهنتون نوي رئيس شيخ الحديث محمد سعيد هاشمي په خپله پيليزه وينا کې د ګډونوالو هر کلی وکړ، هغه په خپلو خبرو کې د اسلامي نظام په تګلاره رڼا واچوله او زياته يې کړه، چې صداقت،امانت،عدالت او مساوات د اسلام مبارک دین پورې تړلي مسايل دي، بايد په پام کې ونيول شي.
ښاغلي رئیس د خپلو څلورو واړو مرستيالانو څخه غوښتنه وکړه، چې د خپلو معاوينيتونو اړوند فکري، عقيدتي او وظيفوي ستونزې ورسره شريکي کړي.
تر څو د حل په موخه یې اړین تدابير ونیول شي.
د ناستې په دوام کې د ياد پوهنتون څلورواړو مرستيالانو خپل مياشتني راپورونه د نوموړي پوهنتون له رئيس سره شريک کړل. او ياده ناسته د خير په دعا سره پای ته ورسیده.
بلخ پوهنتون د اړيکو او عامه پوهاوي آمریت .
