په بلخ پوهنتون کې د عمومي کتابتون آمر په مشرۍ د فرعي کتابتونونو مديرانو سره د همغږۍ او ستونزو حل په موخه شورا جوړه شوه!
سې شنبه د روان ۱۴۴۷ھ ق کال د شعبان المعظم مياشتې په ۲۲ مه، په بلخ پوهنتون کې د عمومي کتابتون آمر انجنير مولوي سید فريد « سادات» په مشرۍ د فرعي کتابتونونو مدير صاحبانو سره د همغږۍ او ستونزو حل په موخه شورا جوړه او د اړتیاوو لاسته راوړلو او ستونزو حل کولو لپاره يې ناسته وکړه.
په دغه ناسته کې د کتابتونونو نظم، د نيمګړتياوو په پوره کولو، د لوستوالو لپاره د اسانتياوو په موخه الکترونيکي سيسټمونو جوړولو او په يو شمېر نورو ستونزو خبرې وشوې.
همداراز په ناسته کې يادونه وشوه چې د کتابتونونو مسؤلين کتاب پېرودلو،کتاب لوستنې سياليو، سيمينار جوړولو لپاره بايد د يادې شورا تائیدي ولري.
ياده ناسته د خير په دعا سره پای ته ورسېده.
بلخ پوهنتون د اړيکو او عامه پوهاوي آمريت.
