دشمال زون په کچه د پوهنتونونو تر منځ دسيالۍ دوهمه لوبه !
سه شنبه د۱۴۴۵/۱۰/۲۹ ھ ق دشمال زون په کچه د پوهنتونونو تر منځ دسيالۍ دوهمه لوبه کې بلخ پوهنتون او سمنګان د لوړو زدکړو موسسې ټيم ميدان ته راووتل چې لوبه درې د يو په مقابل کې دبلخ پوهنتون په ګټه پای ته ورسېدله.
د دوهمې ورځې پس له غرمې په ۳ بجې دبلخ پوهنتون ټيم دويمه لوبه دسرپل ټيم سره چې ۳ په مقابل د صفر کې دبلخ پوهنتون په ګټه پای ته ورسیده.
وروسته بیا د ماذديګر په ۵ بجو د جوزجان او سمنګان ولایتونو تر منځ دويمې لوبې پيل شوې، په دغه لوبه کې د جوزجان پوهنتون محصلان وتوانېدل چې خپل سيال
(سمنګان) ټيم ته ۳ دصفر په مقابل کې ماته ورکړه.
هېره دې نه وي چې سبا اته بجې به دبلخ پوهنتون دمحصلانو منتخب ټيم دجوزجان پوهنتون په مقابل کې دسيالۍ ډګر ته ښکته کيږي.
يادې سیالۍ دلوړو زده کړو وزارت لخوا دمحصلانو تر منځ د همغږۍ په موخه په لاره اچول شوې ترڅو له يوې خوا وړتياوې په ډاګه شي او دبلې خوا په راتلوونکې کې دنورو زونونو سره هم د همغږۍ لپاره سيالۍ ترسره شي.
بلخ پوهنتون داړيکو او عامه پوهاوي آمريت.
