بلخ پوهنتون کې د فايبر نوري شبکې د تطبيق په اړه همغږيزه ناسته

دپنجشنبه په ورځ د مرغومې مياشتې په شلمه په بلخ پوهنتون کې د فايبر نوري شبکې د تطبيق  په اړه همغږيزه ناسته وشوه. دغه ناسته چې د بلخ پوهنتون مالي او حسابي آمريت کې داير شوې وه، چې پيل يې د قران عظيم الشان په څو مبارکو ايتونو سره وشو.

په نوموړې ناسته کې د ياد پوهنتون مالي او اداري معاونیت سرپرست د مالي او حسابي چارو آمر مولوي شیخ میر صدام د کار کوونکو چارو آمر، د رياست آمر دفتر، د معلوماتي ټکنالوژۍ آمر او د افغان ټيلېکام رياست څخه د فايبر نوري شپکې آمر او مدير ګډون درلود.

په دغه ناسته کې د فايبر نوري شپکې آمر انجنير محمد نسيم سره، د نوموړې پروسې د تطبيق په اړه خبرې وشوې چې په ضمن کې يې انجنير محمد نسيم د پوهنتون له رهبرۍ څخه هيله وکړه، چې د ياد پروسې د تطبيق په جريان کې د پوهنتون ماسټر پلان شريک کړي؛ تر څو په راتلونکي کې پروسه ټکنۍ نه شي او ستونزې ايجاد نه کړي.

په ياده ناسته کې دبلخ پوهنتون له لوري دهر اړخيزې همکارۍ ډاډ ورکړل شو .او د کړنو دښې همغږۍ او همکارۍ لپاره د It او تکنالوژي معلوماتي آمر ښاغلی انجنیر عبدالسلام احمدزی ور وپيژندل شو.

بلخ پوهنتون د اړيکو او عامه پوهاوي آمریت.