د مالي او اداري چارو معاونيت اړوند مياشتنۍ نوبتي ناسته!
سه شنبه د ۱۴۴۶/٩/١٨ ه ق د مالي او اداري چارو مرستيال په رهبرۍ کې، اداري ناسته د قرآن کریم په مبارکو آياتونو سره پيل شوه.
لومړی د مالي او اداري چارو مرستيال ښاغلي مولوي نجیب الله (کروخي) د ښه راغلاست ترڅنګ له اړوندو آمرینو څخه د تېر کال کړنو او راتلونکي کال مهال ویشونو ترتيب د کارونو پرمختګ او نورې اړینې لارښوونې وکړې.
وروسته بیا د معاونيت اړوند آمرینو هر یو خپل د کلنۍ کړنو عمده برخې معاونیت ته واورولې او د ځينو ستونزو د حل غوښتونکي شول.
په پای کې ښاغلي (کروخي) د ګډونوالو هڅې وستايلې او په راتلونکې کې يې ورته د لا ښه خدمت کولو سپارښتنه وکړه او ګډونوالو څخه یې هيله وکړه چې ملي ګټو ژمن پاتې شي.
بلخ پوهنتون داړيکو او عامه پوهاوي آمريت
