د یو علمي سفر په ترڅ کې د کونړ سيد جمال الدين افغاني پوهنتون زراعت پوهنځي ۲۳ تنو محصلانو د بلخ پوهنتون لابراتوارونو څخه لیدنه وکړه!
نن شنبه د روان ۱۴۰۵ تعلیمي کال غویي میاشتې په ۱۹ مه د یو علمي سفر په ترڅ کې د کونړ سيد جمال الدين افغاني پوهنتون زراعت پوهنځي۲۳ تنو محصلانو د بلخ پوهنتون لابراتوارنو څخه لیدنه وکړه.
د دغه علمي سفر برخه والو ته د بلخ پوهنتون محصلانو خدمتونو او انسجام چارو آمریت په همغږۍ د پوهنتون تجربه لرونکو استادانو او د لابراتوارونو مسوولينو له لوري د مسلک اړوند د زراعت او وترنرۍ علومو پوهنځيو لابراتوارنو کې عملي کار ترسره شو.
یاد سفر چې د محصلانو د علمي پوهې د لوړولو په موخه له کونړ سيد جمال الدين افغاني څخه بلخ پوهنتون ته شوی، د نوموړي پوهنتون محصلان ور څخه خوښ دي او په دغه علمي سفر کې يې د بلخ پوهنتون لابراتوارونو، د بلخ ولايت حيراتان تجارتي بندر، صنعتي فابريکو، طبيعي څړ ځایونو او د قوشتېپې لوی کانال څخه ليدنې کړې دي.
د کونړ سيد جمال الدين افغاني پوهنتون زراعت پوهنځي محصلانو د بلخ پوهنتون اړيکو او عامه پوهاوي آمريت مسوولينو ته په خپلو مطبوعاتي خبرو کې وویل چې دغه ډول علمي سفرونه د محصلانو علمي پوهې لپاره ډېر ګټور دي.
د یادونې وړ ده، چې د کونړ سيد جمال الدين افغاني پوهنتون محصلانو ته د اړیکو او عامه پوهاوي آمریت مسوولینو له لوري د بلخ پوهنتون پشپړ تشکیل او د شپاړس ګونو پوهنځیو اړوند معلومات هم ورکړل شول.
بلخ پوهنتون د اړیکو او عامه پوهاوي آمریت
