ه بلخ پوهنتون کې د سرپل پوهنتون ښوونې او روزنې پوهنځي پښتو څانګې ته بريالي شويو څلورو تنو له خپلو علمي کنفرانسونو څخه دفاع وکړه.
نن چهارشنبه د روان ۱۴۴۷ ھ ق کال ذوالقعدې مياشتې په ۱۲ مه، د بلخ پوهنتون علمي چارو معاونيت اړوند د غونډو په عمومي تالار کې د ياد کنفرانس پيل د قران عظيم الشان په څو مبارکو ايتونو سره وشو.
د کنفرانس په پرانيستې وينا کې د بلخ پوهنتون څېړنو او علمي مجلې مرستيال دکتور پوهنمل حميدالله «عمرخېل» وويل: دا ډول کنفرانسونه ميتوديک دي، چې په مټ يې علمي کادر په تدريسي بهير کې د تدريس په چارو بلدتيا ترلاسه کوي.
دغه راز ښاغلي مرستيال په خپلو خبرو کې له ارزونې پلاوي څخه هيله وکړه، چې د نمراتو په ورکړه کې، عدالت په پام کې ونيسي او د چا حق ونه خوري.
د ياد کنفرانس لپاره د پوهنتون رهبرۍ له لوري د کړنلارې سره سم پخپله، د څېړنو او علمي مجلې مرستيال دکتور پوهنمل حميدالله «عمرخېل» د ژبو او ادبیاتو پوهنځي پښتو څانګې آمر دکتور پوهندوی احمد جاوید «صديقي» د ښوونې او روزنې پوهنځي پښتو څانګې آمر پوهنمل محمد قسيم «چمتو» د ارزونې پلاوي په توګه ټاکل شوي وو.
د سرپل پوهنتون ښوونې او روزنې پوهنځي پښتو څانګې ته برياليو شويو څلور تنو د علمي کنفرانس وړاندې کولو کنفرانس کې د ارزونې پلاوي سربېره د پوهنتون مرستيالانو، د بېلابېلو پوهنځيو رئيسانو او استادانو ګډون درلود.
بايد وويل شي، چې د کنفرانس په پای شېبو کې د ارزونې پلاوي په استازيتوب د څېړنو او علمي مجلې مرستيال څلور واړه نوماندان مثبت وارزول او د سرپل پوهنتون ښوونې او روزنې پوهنځي پښتو څانګې علمي کادر کېدو مبارکي يې ورکړه.
د هېرې نه ده، ياد کنفرانس چې د قران عظيم الشان په مبارک کلام پيل شوی و، د علمي چارو مرستيال الحاج مولوي پوهنمل محب الله «هدايت» له لوري د خير په دعا سره پای ته ورسېد.
بلخ پوهنتون د اړيکو او عامه پوهاوي آمريت
