د مالي او اداري چارو مرستيال مياشتنۍ نوبتي ناسته!
د دوشنبه په ورځ د دلوې مياشتې په لومړۍ نېټه د بلخ پوهنتون مالي او اداري چارو مرستيال نجيب الله «کروخي» د خپل پرسونل سره مياشتنۍ ناسته وکړه، ياده ناسته د قران عظيم الشان په څو مبارکو ايتونو سره پيل شوه.
د بلخ پوهنتون مالي او اداري چارو مرستيال ښاغلي «کروخي» د ګډونوالو هر کلی وکړ او وروسته له هر کلي يې د نوموړې پوهنتون په مالي او اداري برخه کې ستونزو ته په اشارې سره وويل، چې خپلو اهدافو ته مو سمه پاملرنه وکړئ او کوښښ وکړئ چې يو بل ته په لاس ورکولو سره ستونزې هوارې کړئ.
د غونډې په دوام کې د دغه معاونيت اړوند آمرينو خپل مياشتني راپورونه وړاندې کړل او نوموړي معاونيت ته يې د کار ښه پر مخ وړلو ډاډ ورکړ.
بلخ پوهنتون د اړيکو او عامه پوهاوي آمريت.
