په بلخ پوهنتون کې د مالي او اداري چارو مرستيال مياشتنۍ نوبتي ناسته!
يکشنبه د روان ۱۴۰۳لمريز کال د سلواغې مياشتې په ويشتمه په بلخ پوهنتون د مالي او اداري چارو مرستيال مولوي نجيب الله «کروخي» د خپل اداري پرسونل سره مياشتنۍ ناسته وکړه.
ذکر شوې ناسته چې د ښاغلي کروخي په خپل کاري دفتر کې پلان شوې وه، پيل د قران عظيم الشان په مبارکو ایتونو سره وشو.
د بلخ پوهنتون مالي او اداري چارو مرستيال مولوي نجيب الله «کروخي» د غونډې د ګډونوالو هر کلی وکړ او د هر کلی سره سم يې د داخلي اروزنې په موخه خپل پرسونل ته خبر ورکړ، چې د راتلونکې اونۍ دوشنبې په ورځ به د داخلي پلټنې کمېټې له لوري عمومي اروزنه وشي، تر څو د تضمین کیفیت شرایطو ته په کتو چارې پر مخ لاړې شي .
وروسته بیا د ياد معاونیت اړوند آمرینو خپلې ستونزې له معاون سره شريکې کړې تر څو د حل په موخه یې اړین اقدامات ترسره شي.
بلخ پوهنتون د اړيکو او عامه پوهاوي آمریت.
