د کمپیوتر ساینس پوهنځي محصلانو د نوي اختراعاتو يو ورځنی نندارتون نندارې ته وړاندې کړ.
سې شنبه د ۱۴۴۷ ھ ق کال د جمادي الاول مياشتې په ۲۰مه، په بلخ پوهنتون کې د کمپيوټر ساينس پوهنځي محصلانو خپل ابتکارونه د يو ورځني نندارتون له لارې چې د ياد پوهنځی مسؤلينو له لوري ترتيب شوی وو نندارې ته وړاندې کړل.
په دغه نندارتون کې محصلانو د خپل زيارونو پايلې او نوښتونه د نويو اپلکېشېنونو، سيستمونو او عصري ډيټابيسونو په شکل نندارې ته وړاندې کړل، چې د بلخ پوهنتون رهبرۍ(علمي چارو مرستيال، مالي او اداري چارو مرستيال او د علمي مجلې او څېړنو مرستيال)له لوري تشويق او وهڅول شول؛ تر څو په راتلونکې کې په خپل کړو نوښتونو کې پراختيا رامنځته کړي او د وطن ځوریدلي ولس لپاره د اسانتياوو لامل وګرځېږي.
بايد وويل شي، چې له دغه نندارتون څخه د بلخ پوهنتون شپاړس ګونو بېلابېلو پوهنځیو محصلانو هم ليدنه وکړه او د محصلانو د تشويق لپاره يې د ابتکار کوونکو هڅی وستايلې.
بلخ پوهنتون د اړيکو او عامه پوهاوي امريت.
