دبلخ پوهنتون ټولو منسوبینو لپاره دیني علمي او اصلاحي سیمینار ترسره شو.
يکشنبه د روان ١٤٤٧ ه ق کال د رجب المرجب مياشتې په ٧مه د مالي او اداري چارو مرستيال الحاج مولوي بخت محمد مومنیار په هڅو د دعوت او ارشاد په همغږئ د بلخ پوهنتون منسوبینو لپاره دیني علمي او اصلاحي سیمینار دایر شو چې پيل يې د قرانکریم په مبارکو آياتونو سره وشو.
لومړی د بلخ پوهنتون رئيس ښاغلي شیخ القرآن والحدیث محمدسیدهاشمي د راغلو ميلمنو او ګډونوالو هرکلی وکړ او د اعتقادی مسایلو په اړه یې ارزښتناکې خبرې وکړې او ګډونوال يې ظاهري او باطني اصلاح ته راوبلل.
ورپسې د بلخ ولایت امربالمعروف او نهی عن المنکر ریاست مرستیال مولوی عبد الهادي عدالت يار د اسلام دین او نظام په ارزښت، غوښتنه، نفاذ د ظاهر او باطن جوړونې په اړه هراړخيزه وينا وکړه.
وروسته بیا د علماوو شورا رئيس الحاج مولوی حیات الله حلیم هم د پوهنتون مسوولينو ته د علمي سرچینو پیاوړتیا ټولنې ته په وړتیا او فکري روحیه سمبال ځوانانو وړاندې کولو ټينګار وکړ ترڅو ټولنه د اسلام ځان بساینې او پرمختګ په لور حرکت وکړي هغه همداراز زیاته کړه چې د استادانو ظاهري کړنې مستقیما په محصلينو اغیز لري له همدې امله باید ځانونه په حقيقي توګه د اسلام تابع وګرځوو.
ياد سیمینار د دعا په کولو سره پای ته ورسېده.
بلخ پوهنتون د اړيکو او عامه پوهاوي آمریت
