د ايران قونسلګرۍ دفرهنګي چارو مسؤول د بلخ پوهنتون له رئيس سره لیدنه.
په بلخ ولايت کې د ايران هېواد د فرهنګي چارو مسوول ډاکټر سيد روح الله «حسيني» د بلخ پوهنتون رئيس شيخ الحديث محمد سعيد هاشمي سره په خپل دفتر کې ناسته وکړه، دغه ناسته د قران عظيم الشان په څو مبارکو ايتونو سره پيل شوه.
په دغه ناسته کې د بلخ پوهنتون رئيس شيخ الحديث محمد سعيد هاشمي، په بلخ ولايت کې د ايران هېواد د فرهنګي چارو مسوول هر کلی وکړ، او وروسته له هرکلي د اکاډميکو چاپېريالونو په دوه اړخيزو همکاريو خبرې وشوې.
بلخ پوهنتون ته د ايران هېواد د فرهنګي چارو مسوول، په خپل راتګ سره د ياد پوهنتون د کتابخانې غني کولو او د محصلانو او استادانو لپاره د بورسونو په برابرولو ژمنه وکړه.
بلخ پوهنتون د اړيکو او عامه پوهاوي آمريت
