د (مزل) مزل دوه کلن شو!

ba_admin
چهارشنبه ۱۴۰۳/۴/۲۰ - ۱۱:۲۶
خبر

په همدې اړوند د سه شنبې ورځ د ۱۴۰۳ لمریز کال د چنګاښ(سرطان) میاشتې ۱۹مه د (مزل) فرهنګي، هنري او ادبي دېوالي جريدې دویمه کالیزه د پښتو ژبې او ادب ډيپارټمنټ استادانو او محصلانو ونمانځله.

په یاده غونډه کې د بېلابېلو پوهنځیو استادانو او د پښتو ژبې او ادب ډیپارټمنټ محصلانو ګډون درلود. د غونډې پرانيستې وینا لپاره د (مزل) جريدې لارښود استاد پوهنمل عزیزالدین يوسفزي ګډونوالو ته د ښه راغلاست او مبارکۍ ترڅنګ د جريدې د تېر یو کال پر محتوياتو، لاسته راوړنو او دوه‌کلن مزل خبرې وکړې. وروسته د ويناوو په لړۍ کې د بلخ پوهنتون د ادبیاتو پوهنځي رئیس ښاغلي فیض الله ذکي، ورپسې د بلخ پوهنتون د څېړنو او علمي مجلې مرستیال پوهاند ډاکتر محمد طاهر طاهر او د بلخ پوهنتون د فوق‌لېسانس برنامو مشر پوهاند ډاکتر محمد صالح راسخ د جريدې د غړو هڅې وستایلې، د دې تر څنګ يې په خپله وينا کې د جريدې اړوند ګټورې څرګندونې او د علم او قلم په ارزښت خبرې وکړې. د ویناوو د لړۍ په پای کې د محصلانو په استازولۍ نعمت الله سرحدي د جريدې مثبتې اغېزې بیان کړې او په دې لار کې يې د دوام هیله وښودله. په پای کې غونډه له دعایې وروسته، د (مزل) د ۱۹مې ګڼې په پرانیستلو(خپرولو) چې محتوا يې دویمې کاليزې ته ځانګړې شوې او د بېلابېلو پوهنځیو استادانو نظرونو ته پکې ځای ورکړل شوی، پای ته ورسېده.

 

photo

 

photo

 

photo

 

photo

 

photo

 

photo

 

photo

 

تازه خبرونه

چهارشنبه ۱۴۰۴/۸/۷ - ۱۲:۸
Background image

په بلخ پوهنتون کې د علمي شورا مياشتنۍ نوبتي ناسته ترسره شوه!

ددوشنبه په ورځ د ۱۴۴۷ھ ق کال د جماد الاول مياشتې په ۵ مه، په بلخ پوهنتون کې د علمي شورا مياشتنۍ نوبتي ناسته ترسره شوه، د دغه ناستې پيل د قران عظيم الشان په څو مبارکو ايتونو سره وشو.

د. . .

چهارشنبه ۱۴۰۴/۸/۷ - ۱۲:۲
Background image

په بلخ پوهنتون کې د محصلانو چارو مرستيال د خپل معاونيت اړوند مسوولينو سره مياشتنۍ نوبتي ناسته وکړه!

شنبه د ۱۴۴۷ ھ ق کال د جماد الاول مياشتې په درېيمه، په بلخ پوهنتون کې د محصلانو چارو مرستيال د خپل معاونيت اړوند مسوولينو سره مياشتنۍ نوبتي ناسته وکړه، د دغه ناستې پيل د محصلانو د انسجام. . .

شنبه ۱۴۰۴/۸/۳ - ۱۲:۳۶
Background image

په بلخ پوهنتون کې د مالي او اداري چارو مرستيال د خپل معاونيت اړوند پرسونل سره مياشتنۍ نوبتي ناسته وکړه!

پنجشنبه د روان ۱۴۴۷ھ ق کال په د جماد الاول مياشتې په لومړۍ نېټه، په بلخ پوهنتون کې د مالي او اداري چارو مرستيال د خپل معاونيت اړوند پرسونل سره مياشتنۍ نوبتي ناسته وکړه، د دغه ناستې پيل. . .

BACK TO NEWS