بلخ پوهنتون د نشراتي کمېټې میاشتنۍ غونډه تر سره شوه.
يکشنبې د ۱۴۰۳ د حوت ۲۶ مه چې د ۱۴۴۶ د روژې مبارکې مياشتې له ۱۶ مې سره برابره ده د بلخ پوهنتون د نشراتي کمیټې غونډه ترسره شوه او د غونډې په ترڅ کې د نوموړې کميټې د غړو هڅې او کړنې وستايل شوې.
په دې غونډه کې د استادانو له لوري د ترجمې او تألیف اته کيسونه بررسى او وارزول شول.
د څېړنې او علمي مجلې معاون د کمیټې د غړو د نه ستړې کېدونکو هڅو او همکاریو ستاینه او مننه وکړه. همدارنګه د بلخ پوهنتون ریاست لخوا هم د دې کميټې د غړو فعالیتونه وستایل شول او د بلخ پوهنتون د رئيس شيخ القران و الحديث محمد سيد هاشمي په نماينده ګۍ د څېړنو او علمي مجلې معاون دکتور حمیدالله عمرخېل د نشراتي کمیټې غړو ته ستاینلیکونه ورکړل. دغه ستاینلیکونه هغوی ته د علمي فعاليتونو او همکاريو او په ټوله کې د پوهنتون د علمي او اکاډميک بهیر په پیاوړتیا کې د هغوی د ارزښتناکو خدمتونو د تقدیر لپاره ورکړل شول.
غونډه په دعائیې سره پاى ته ورسيده.
بلخ پوهنتون د اړيکو او عامه پوهاوي آمريت.