په بلخ پوهنتون کې د دعوت ارشاد آمريت له لوري د بلخ پوهنتون ټولو اداري او خدمتي کارکوونکو ته (د زړو قدر وړ پاڼو خونديتوب او مخدره توکو اړوند سزاګانو په اړه د اميرالمومنين حفظه الله ورعاه ۱۳۹۷ شمېرې حکم فرمان) په سرليکونو سمينار داير شو!
پنجشنبه د روان ۱۴۴۷ ھ ق کال د رجب المرجب مياشتې په څلورمه، په بلخ پوهنتون کې د دعوت ارشاد آمريت له لوري د بلخ پوهنتون ټولو اداري او خدمتي کارکوونکو ته (د زړو قدر وړ پاڼو خونديتوب او مخدره توکو اړوند سزاګانو په اړه د اميرالمومنين حفظه الله ورعاه ۱۳۹۷ شمېرې حکم فرمان) په سرليکونو سمينار داير شو، د ياد سمينار پيل د قران عظيم الشان په څو مبارکو ايتونو سره وشو.
د ناستې په پرانيستې وينا کې د بلخ پوهنتون دعوت او ارشاد آمريت مبلغ عبدالباري «سائيس» د زړو قدر وړ پاڼو خونديتوب سرليک اړوند خورا ارزښتمن علمي او ديني بحث وکړ.
ښاغلي «سائيس» په خپله وينا کې وويل، زړې د قدر وړ هغه پاڼې چې د الله تعالی، محمد «ص» او د قران ايتونه پکې وي او له کاره لويدلې وي، بې ځايه ونه غورځول شي، بايد په روانو اوبو کې واچول شي؛ تر څو مبارک الفاظ ترې پاک شي، يا دې په ځمکه کې ښخې کړل شي او يا دې وسېځل شي او ايرې دې يې اوبو ته وغورځولی شي.
ورپسې د بلخ پوهنتون دعوت او ارشاد آمر حافظ مولوي ضيا الرحمن «عابد» په خپله وينا کې د اميرالمومنين حفظه الله ۱۳۹۷ شمېرې حکم، چې د مخدره توکو د سزاوو اړوند دی، تشريح کړ او د سمينار ګډونوالو ته يې د مجرمينو د سزاوو اړوند معلومات وړاندې کړل.
بلخ پوهنتون د اړيکو او عامه پوهاوي آمريت